Җиңү көне

9 май – Россия тарихында аерым бер үзенчәлекле көн – Җиңү көне! Бу бәйрәм 1941-1945 еллардагы Бөек Ватан сугышында фашистлар Германиясен җиңүне билгеләп үтү йөзеннән расланган. Әлеге датага багышлап Татарстан Республикасы Милли китапханәсенең мәгълүмат-библиография бүлегендә 6 майдан 20 майга кадәр китап күргәзмәсе тәкъдим ителде.
Җиңү көне җиңел бирелмәде. Совет халкы Җиңү өчен бик кыйммәт түләде. 1941 - 1945 еллардагы сугышта 27 миллион ватандашыбыз яу кырында ятып калды. Бу Җиңүне яулау, түгелгән көч, сугыштагы төп вакыйгаларның барышы турында күргәзмәдә тәкъдим ителгән энциклопедияләрдән, белешмә басмалардан белергә була.