Рихард Вагнер: тормышы һәм иҗаты

2013 нче елның 22 нче маенда күренекле алман композиторы Рихард Вагнерның (1813-1883) тууына 200 ел тула. ТР Милли китапханәсенең сәнгать бүлеге бирегә килүчеләр игътибарына композиторның тормыш һәм иҗат юлына багышланган күргәзмә тәкъдим итә.
Бөтендөнья музыка мәдәнияте тарихында һәр буын тыңлаучыларга дулкынландыргыч һәм мавыктыргыч музыка тудыручы күренекле композиторлар күп. Ләкин сәнгатькә зур үзгәрешләр кертүче, аның үсешенә көчле тәэсир ясаучы осталар бик сирәк. Шулар арасында Вагнер да бар. Фикерләренең тирәнлеге, үз чорының җәмгыяви проблемаларын яшәешнең мәңгелек сораулары белән берлектә карау, тормышны төрле юнәлешләрдә фәлсәфи аңлау һәм иҗади идеяләрен музыкаль гәүдәләндерү колачлыгы – болар барысы да әлеге шәхес иҗатының асылын билгелиләр.
Күргәзмәгә китаплар, ноталы басмалар, аудио-видео документлар урнаштырылган.
Күргәзмәгә (Казан, Театр ур., 5 нче йорт) рәхим итегез! Без Сезнең белән очрашуга шат булачакбыз!