«Техэксперт. Экология. Проф.» тулы текстлы мәгълүматлар базасы

5 нче июньдә әйләнә-тирә мохитне саклау белгечләре, әлеге өлкәдәге җәмәгать эшлеклеләре һәм эколог-активистларның һөнәри бәйрәме – Экологлар көне билгеләп үтелә. Татарстан Республикасы Милли китапханәсенең патентлар бүлеге (Казан, К.Маркс ур., 36 нчы йорт) барлык кызыксынучыларны «Техэксперт. Экология. Проф.» тулы текстлы мәгълүматлар базасы белән танышырга чакыра.
«Техэксперт. Экология. Проф.» тулы текстлы мәгълүматлар базасы оешманың экологик хезмәте эшчәнлеге нәтиҗәлелеген кирәкле мәгълүматлар тупланмасына керү хисабына күтәрергә мөмкинлек бирә.
Мәгълүмати ресурс үз эченә түбәндәгеләрне ала:
– Халыкара экологик хокук;
– РФ законнар җыелмасы;
– Табигать ресурсларын саклау һәм нигезле файдалану системасы нормативлары;
– Экология өлкәсендәге бәхәсләрне чишү практикасы;
– Эколог белешмәлеге һ.б.
«Экология: сораулар һәм җаваплар» бүлеге уникальлеге белән аерыла, ул кайнар линиягә кулланучылардан килгән гамәли сорауларга җавап биреп консультация уздыру форматында әзерләнгән.
Бүлеккә килүчеләр шулай ук «Табигатьне саклау эшчәнлеге» күргәзмәсенә куелган басмалар белән таныша алалар.