Җәйге сезонга волонтерлар эзлибез

2022 елның 17 мае, сишәмбе

Кояшлы террасада безнең белән бергә атмосфералы чаралар оештырырга теләүче инициативалы һәм креатив дуслар эзлибез.

Китапханә волонтерлары өчен бонуслар:

• Казанның иң төп иҗтимагый киңлекләренең берсендә эш тәҗрибәсе
• яңа файдалы танышулар
• китапханә чараларына бушлай йөрү мөмкинлеге
• үз идеяләреңне һәм проектларыңны тормышка ашыру
• буш вакытта китаплар укырга да була

ә башка мөмкинлекләр турында бераз соңрак сөйләрбез!

Нәрсә эшләячәкбез?

• терраса өчен яңа проектлар уйлап табабыз һәм тормышка ашырабыз;
• социаль челтәрләргә кызыклы контент әзерлибез;
• бергәләп кояш батуына хозурланабыз.

Безнең волонтер булыр өчен
1. Чатка сылтама буенча кер :https://t.me кулланучылар-lxqqy_r045I5ZDky)
2. Волонтерлар җыелышына кил. Җыелыш турында тиздән чатта хәбәр итәчәкбез.
Яшь чикләве: 16+

Сине көтәбез!