«Татар археографиясе»н укыгыз! Тулы коллекция интернетта

2022 елның 1 августы, дүшәмбе

ТР Милли китапханәсенең Кулъязмалар һәм сирәк китаплар бүлеге быел үзенең 30 еллыгын билгеләп уза, әлеге түгәрәк дата хөрмәтеннән «Татар археографиясе» китаплар сериясенең 30 нчы китабы дөнья күрәчәк. Әлеге сериянең барлык китапларының да тулы тексты 28 июль ТР Милли электрон китапханәсендә уку өчен ачык интернетка чыгарылды. Хәзер урта гасыр шигъриятеннән Кәрим Тинчуринның билгелесез пьесаларына кадәр, халык фольклорыннан солдат хатларына кадәр, Бакый Урманче көндәлекләреннән кыскача татарлар тарихына кадәр Интернет киңлекләрендә татар телендә тулы күләмдә укырга мөмкин.
 

«Татар археографиясе» китаплар сериясе 2008 елдан нәшер ителә, анда ТР Милли китапханәсенең Кулъязмалар һәм сирәк китаплар бүлегендә сакланган татар телендә әдәби, тарихи, документаль һәм башка хатлар һәм истәлекләр бастырыла. Проектның авторы — филология фәннәре кандидаты, ТР Милли китапханәсенең Кулъязмалар һәм сирәк китаплар бүлегенең әйдәп баручы фәнни хезмәткәре, археограф, текстолог Р.Ф.Мәрдәнов.

Бүгенге көнгә әлеге сериянең 29 китабы чыккан:

  1. «Мәрданов Р.: Мәүла Колый поэмалары», 2008
  2. «Түләк китабы: дастан», 2008
  3. «Кыйссаи Йосыф» поэмасының Татарстан Милли китапханәсендә саклана торган кулъязмаларына тасвирламалар», 2009
  4. «Мөхәммәдьярның «Нуры содур» поэмасы: әсәрнең Татарстан Милли китапханәсендә саклана торган кулъязмалары», 2009
  5. «Китапларда милләт язмышлары», 2010
  6. «[Мөхәммәтәмин]: Кыйссаи Мансур», 2010
  7. «Фәезханов Х.: Кыскача татар тарихы», 2011
  8. «Сәяхәтнамәләр», 2011
  9. «Шанхай төрк-татар мәдәният җәмгыяте», 2012
  10. «Кыз хикәяте», 2012
  11. «Сөрген хатлары», 2013
  12. «Гәүһәр Болгарга килдем...: тарихи бәетләр», 2013
  13. «Без плиндә ятабыз читлектәге кош кебек...»: беренче бөтендөнья сугышы бәетләре», 2014
  14. «Гали авылы тарихы», 2014
  15. «Тинчурин К.: Каракүз; Нәни абый: пьесалар», 2015
  16. «Тинчурин К.: Чит илләрдә: хыялый комедия», 2015
  17. «[Мөхәммәтәмин]: Гыйлем хакка илтер», 2016
  18. «Сугыш һәм солдат бәетләре», 2016
  19. «Дастане җайә (Мәликә китабы)», 2017
  20. «Матрос Әхмәдулла дәфтәре: 1898-1906 еллар», 2017
  21. «Алдым каләм, яздым сәлам...: [хатлар] », 2018
  22. «Солдат Ярулла дәфтәре: бәетләр һәм мөнәҗәтләр», 1905-1906 еллар, 2018
  23. «Чыңгызнамә»: тарихи дастаннар», 2018
  24. «Халык җырлары: XVII - XX гасырлар», 2019
  25. «Бөек Ватан сугышы хатлары, солдат хатирәләре: Бөек Җиңүнең 75 еллыгына», 2020
  26. «Бакый Урманче көндәлекләре: 1965-1976 еллар», 2020
  27. «Шигъри ядкярләр: XII-XIX гасырлар», 2021
  28. «Шәҗәрәләр», 2021
  29. «Утызынчы елларда... : халык тормышының фаҗигале сәхифәләре», 2022
     

    Cериянең барлык китапларын да http://kitap.tatar.ru/  сайтының «Коллекцияләр» битендә «Татар археографиясе» сериясен сайлап һәм «Коллекцияләр буенча эзләү» кнопкасына басып яки сылтама буенча укырга була.

     

    Татарстан Республикасы Милли китапханәсенең «Милли китап» нәшрияты 1996 елдан бирле эшли.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International