2023 ел Россиядә Педагог һәм остаз елы дип игълан ителде. 2023 елның 10 гыйнварыннан Татарстан Республикасы Милли китапханәсенең кулъязмалар һәм сирәк китаплар бүлеге танылган рус язучысы, Россиядә фәнни педагогикага нигез салучы Константин Дмитриевич Ушинскийның эшчәнлегенә багышлап, «Кеше – тәрбия җимеше» исемле китап күргәзмәсе тәкъдим итә.

Быелгы иң популяр китаплар исемлекләрен әзерләдек.  Укучыларыбыз барлыгы 323 500 китап укыган, шуларның 133 600 иң нәни укучыларыбыз алган.

2022 елның 7 декабрендә Татарстан Республикасының Милли китапханәсендә «Текст» китапханә фестивале кысаларында, 2008 елдан чыгып килүче «Татар археографиясе» сериясенең 30-нчы юбилей басмасын – «Милли китапханәнең археографик экспедицияләре: 30 еллык тәҗрибә» исемле китабын тәкъдим итү  кичәсе узды.

«Текст» китапханә фестивале кысаларында 2022 елның 7 декабрендә Татарстан Республикасы Милли китапханәсенең кулъязмалар һәм сирәк китаплар бүлеге хезмәткәрләре «Сурәт һәм төсмерләрдә заман чагылышы» дип аталган күргәзмә оештырдылар.