«Олуг китап»

2023 елның 19 мае, җомга

«Россия – Ислам дөньясы: KazanForum 2023» XIV Халыкара икътисадый форумы кысаларында Милли китапханәнең классик уку залында «Олуг китап» күргәзмәсе оештырылды.‎

Коръәннең күргәзмәдә тәкъдим ителгән кулъязма һәм басма ‎нөсхәләре, тәфсирләре, төрле телләргә тәрҗемәләре – Татарстан Милли ‎китапханәсендә сакланучы Коръән коллекциясе җәүһәрләре.‎ Коллекция 1996 елдан бирле тупланып килә. Хәзерге вакытта Татарстан Республикасы Милли китапханәсенең кулъязмалар һәм сирәк китаплар бүлеге фондларында өч йөздән артык Коръән, тәфсирләр һәм аның тәрҗемәләре саклана.