Александр Гордон – Татарстан Милли китапханәсе кунагы

2013 нче елның 5-11 нче сентябрь көннәрендә башкалабызда IX нчы Казан халыкара мөселман кинофестивале булып узды. Фестиваль кунакларының берсе А. Гордон 11 нче сентябрь көнне Татарстан Республикасы Милли китапханәсенә кунакка килде.

Александр Гарриевич Гордон - Мәскәүнең «Останкино» телевидение һәм радиотапшырулар (МИТРО) институтында журналистика факультеты Остаханәсе җитәкчесе, Макгаффин исемендәге Кино мәктәбе укытучысы. Биш тапкыр ТЭФИ лауреаты (2007, ике тапкыр 2008, 2010, 2011), «НТВ» һәм «Беренче» каналларда эшләп килгән «Гордон», «Закрытый показ», «Гордон Кихот», «Гражданин Гордон» исемле тапшыруларның авторы һәм алып баручысы. Тамашачылар арасында уздырылган күпсанлы сораштырулар нәтиҗәсе күрсәткәнчә, Гордон берничә тапкыр Россиядәге заманча телевидение тапшыруларның иң әйбәт алып баручысы дип танылды. Телевидение карьерасыннан тыш, Гордон, кинорежиссёр буларак, әтисе – шагыйрь һәм прозаик Гарри Гордон әсәрләренә нигезләнеп, берничә тулы метражлы нәфис фильм («Пастух своих коров», «Огни притона») төшерде.
Кинофестиваль кунагы өчен китапханә бинасы буйлап махсус, кызыклы һәм мавыктыргыч экскурсия уздырылды. Александр Гарриевич шәһәребезнең федераль дәрәҗәдәге архитектура һәйкәле булган иң гүзәл, күренекле бинасының архитектурасы һәм тарихы белән танышты.