Милли китапханәдә вакытлы матбугат басмалары белән эшләүнең төп юнәлешләре

2013 нче елның 23 нче сентябрендә Татарстан Республикасы Милли китапханәсенең вакытлы матбугат бүлегендә (Казан, К.Маркс ур., 36 нчы йорт) «Социаль-мәдәни үзәк буларак Татарстан Республикасының Милли китапханәсе» дигән семинар кысаларында лекция узды.

Бүлек мөдире А.К.Махнина Социаль-мәдәни өлкә һәм сәнгать белгечләренә өстәмә һөнәри белем бирү (квалификация күтәрү) институты тыңлаучыларына (алар – республика үзәкләштерелгән китапханәләр системаларының бүлек һәм филиал мөдирләре) вакытлы матбугат бүлегенең мәгърифәтчелек эшчәнлеге, бу эшчәнлекнең аеруча отышлы һәм нәтиҗәле формалары, алымнары турында сөйләде.