Милли китапханә бүген Бәшир Рәмиев исемендәге ИТ-паркта оештырылган күргәзмәдә катнаша.

2025 елның 11 феврале, сишәмбе

Биредә Россия фәне көненә багышланган тантаналы чара уза

Без нәрсәләр тәкъдим итәбез?

• XVI гасыр -XX гасыр башына караган гарәп язулы үзенчәлекле кулъязмалар,
• китапханәнең фәнни-археографик эшчәнлеге барышында һәм 2024 елда Арча районында археографик экспедиция вакытында тупланган хатлар, тарихи документлар, фотоматериаллар 
• XVI йөз татар шагыйре Мөхәммәдьярның "Нуры содур" поэмасының  кулъязма күчермәсе (XVIII йөз) 
• Ә тагын - Россия конкурсларында лауреат һәм җиңүче булган һәм Татарстан Милли китапханәсендә нәшер ителгән басмалар: «Татар археографиясе» фәнни-популяр сериясе җыентыклары, фәнни-библиографик күрсәткечләр, фәнни-популяр «Китапханә» журналының саннары.