Бүләккә – китап

2013 нче елның 30 нчы октябре көнне Татарстан Республикасы Милли китапханәсендә Бөтендөнья мөселман яшьләре ассамблеясенең генераль киңәшчесе сәркятибе Фәйсал Сәәд бине Дҗабәр һәм Күвәйт дәүләтенең дин эшләре министры урынбасары Гали әш-Шәддад булдылар.

Кунаклар китапханәнең тарихы һәм хәзерге эшчәнлеге, шул исәптән, кулъязмалар һәм сирәк китаплар бүлеге белән таныштылар. Алар китапханәгә халкыбызның күренекле шәхесе, дин һәм җәмәгать эшлеклесе Гадеррәшид Ибраһимовның гарәп теленә тәрҗемә ителгән «Дәүрел-галәм» китабын бүләк иттеләр. Әлеге китап гарәпчәгә «Юлъязмаларда Ислам дөньясы» дигән исем белән профессор Салих Мәһди әс-Сәмәрраи мөхәррирлегендә Сүбхи Фәрзәт һәм Кәмал Хуҗа тарафыннан тәрҗемә ителгән, Согуд Гарәбстанында 2011 елда ике томлы итеп бастырылган.