Укучыларга хезмәт күрсәтү бүлегенең ноябрь ае күргәзмәләре

2013 нче елның ноябрь аенда Татарстан Республикасы Милли китапханәсенең укучыларга хезмәт күрсәтү бүлеге (Казан, Кремль ур., 33 нче йорт) китапханәнең бай фондларыннан заманча мөһим юнәлешләргә караган китап күргәзмәләре тәкъдим итә.

«Хәрби хәрәкәтләр ветераннарын социаль яклауны хокукый көйләү» темасына китаплар күргәзмәсе өлкәннәрнең яшәү шартларын яхшыртуга юнәлдерелгән Төбәк программасын тормышка ашыруга багышланган.


2020 елга кадәр Россиядә наркотикларга каршы дәүләт сәясәте стратегиясен һәм 2011-2015 елларда Татарстан Республикасында халыкны наркотиклардан кисәтүнең озак вакытлы максатчан программасын гамәлгә ашыру чаралары кысаларында «Наркомания: бәла билгесе» дип аталган китаплар күргәзмәсе әзерләнде.]

«Мимика һәм ишарә теле, кеше аурасы» күргәзмәсе кешенең үз-үзен тотышының чын мотивларына төшенергә өйрәтә, чөнки ишарәләр телен укып, мимика һәм кыяфәт аша, әңгәмәдәшең турында ул үзе сөйләгәнгә караганда да күбрәк мәгълүмат алырга мөмкин.