«Недетское детское» күргәзмәсендә яраткан әкиятләребезгә үзенчәлекле иллюстрацияләр

2025 елның 25 марты, сишәмбе

Рәсемнәрнең авторы - РФ Хөкүмәтенең мәдәният өлкәсендә Г.Х. Андерсен премиясе лауреаты Игорь Олейников. 

Халык әкиятләре, Пушкин, Даль, Андерсен һәм башка бик күп язучыларның әкиятләре рәссам-иллюстратор Игорь Олейников интерпретациясендә бөтенләй башка яңгыраш ала. "Недетское детское" күргәзмәсендәге һәр иллюстрация - билгеле әкиятнең күренеп торган "өслеге" астында еш кына яңа мәгънәләр яшеренүе турында уйлануга үзенчәлекле чакыру...

Рәссам - иллюстратор Игорь Олейников үзенең эшләре турында менә нәрсә сөйли: 
"Текстка үз карашымны, анимациядә эшләү нәтиҗәсендә минем башымда туа башлаган фикерләремне әйтергә мөмкинлек бирәчәк рәсемнәр иҗат итәргә теләгән вакыт җитте. Мин 5+ текстлар белән эшләвемне дәвам иттем, ләкин алар бөтенләй башка иллюстрацияләр иде».

"Недетское детское" экспозициясе Милли китапханәнең балалар залында урнашкан һәм 25 апрельгә кадәр эшләячәк.