Сәхнә - аларның тормышы

2025 елның 27 марты, пәнҗешәмбе

ТР Милли китапханәсенең классик залында Бөтендөнья театр көненә багышланган китап күргәзмәсе  ачылды. 

27 мартта Бөтендөнья театр көне билгеләп үтелә. Бу вакыйга уңаеннан Милли китапханәдә рус һәм совет музыкаль театрының  күренекле эшлеклеләре турында китап күргәзмәсе ачылды, аларның күбесе рус мәдәниятендә якты йолдызларга, иң зур күренешләргә әверелгән,  бөтендөнья данын һәм тамашачыларның мәхәббәтен яулаган.

2025 ел юбилярлары - рус операсы һәм балетының күренекле осталары Галина Уланова, Владимир Васильев, Ирина Архипова, Иван Козловский, Майя Плисецкая исемнәре безгә аеруча кадерле, аларның сәнгать казанышлары Россия генә түгел, чит ил музыка мәдәниятендә дә билгеле.

«Сәхнә - аларның тормышы» күргәзмәсендә шулай ук   М.Җәлил исемендәге Татар дәүләт  академия  опера һәм балет театрының Казан сәхнәсен таныткан артистлары турында документлар да күрсәтелгән. Сүз  Нинель Юлтыева, Хәйдәр Бегичев, Нияз Даутов, Мөнирә Булатова һәм 24 мартта үзенең 70 яшьлек юбилеен билгеләп үткән Венера Ганиева турында бара.