Экологиягә багышланган инновацион проектлар һәм мәгълүмат ресурслары

2013 нче елның 8 нче ноябрендә Татарстан Республикасы Милли китапханәсенең мәгълүмат-библиография һәм фәнни-методик бүлекләре тарафыннан Татарстан Республикасының үзәкләштерелгән китапханәләр системасы китапханә хезмәткәрләре өчен «Муниципаль китапханәләр шартларында үсеп килүче буынның экологик мәдәнияте формалашу» дип аталган семинар үткәрелде.
Семинарда катнашучылар китапханәләрнең экологик Үзәкләр төзү эшчәнлеге, экологик ресурслар: электрон китапханәләр, электрон басмалар һәм проектлар белән таныштылар. Алар өчен экологиягә караган мәгълүмати чыганаклардан торган күргәзмә оештырылды, Интернетта әлеге теманы яктырткан мәгълүматлар эзләү буенча киңәшләр бирелде һ.б.
Тыңлаучылар инновацион проектларны төзү һәм тормышка ашыру буенча Татарстан Республикасы китапханәләренең эш тәҗрибәсе белән таныштылар. Алар өчен 2013 нче елда Татарстан Республикасы Хөкүмәт грантына тәкъдим ителгән проектлар тәкъдир ителде, проектны язу методикасына һәм шул вакытта туган проблемаларга кагылышлы киңәшләр бирелде.