Китапханәдә футбол кичәсе: «Рубин» өчен җан аттык!

2025 елның 1 апреле, сишәмбе

Россиядә беренче тапкыр футбол җанатарлары китапханәнең конференц-залында яраткан командаларына көч бирделәр.

30 мартта ТР Милли китапханәсендә гадәти булмаган чара - Россия Премьер – Лигасының 22нче туры «Зенит»-«Рубин» үзәк матчын бергәләп карау узды. Милли китапханәнең конференц-залында Казан командасының ике йөзгә якын җанатары җыелды. Күпләр бөтен гаиләләре белән килгән иде.

Якшәмбе көнне Санкт-Петербургта Питер «Зениты» һәм Казан «Рубины» арасында узган футбол матчы мәйданчык хуҗалары файдасына тәмамланса да, Милли китапханәгә яраткан командаларына ярдәм итәргә килгән җанатарларның уеннан якты хисләре калды. Матчны бергәләп караудан фотографияләргә сылтама белән уртаклашабыз:

https://vk.com/album-90774022_306694730