«Чорлар шигърияте»

2025 елның 2 апреле, чәршәмбе

ТР Милли китапханәсенең классик залында Евгений Баратынскийның тууына 225 ел тулуга багышланган күргәзмә ачылды.

Татарстан Республикасы Милли китапханәсең кулъязмалар һәм сирәк китаплар бүлеге рус лирик шагыйре Евгений Абрамович Баратынскийның тууына 225 ел тулуга багышлаган «Чорлар шигърияте» дигән китап күргәзмәсен тәкъдим итте.

Замандашлары Евгений Абрамович Баратынскийны Россиянең иң бөек шагыйре дип санаганнар. Аның шигырьләре Петербург һәм Мәскәүнең барлык әдәби салоннарында яңгыраган. Поэмалар, элегияләр һәм мадригаллар авторы, чагыштырмача кыска һәм катлаулы гомер кичереп, шигъри илһамның татлылыгын һәм авырлыгын тойган.

Күргәзмәдә шагыйрь иҗатының төрле чорда тупланган шигъри җыентыклары, шулай ук Е.А. Баратынский турында биографик һәм әдәбият белеме мәкаләләре күрсәтелә.

Китапханә укучылары шагыйрьнең биографиясе белән танышачак, тормышындагы аз билгеле булган фактлар турында беләчәк, XIX гасырның беренче яртысы мохитенә чумып, шагыйрьнең иҗади мирасындагы әсәрләрен искә төшерәчәк.

Күргәзмә Милли китапханәнең классик уку залында Казан шәһәре, Пушкин урамы, 86 нчы йорт адресы буенча урнашкан.