“Татар фольклоры” китабын тәкъдир итү

2013 нче елның 22 нче ноябрендә Татарстан Республикасы Милли китапханәсенең Зур уку залында Марсель Хәернасих улы Бакировның “Татар фольклоры” китабын тәкъдир итү кичәсе булып узды.
Марсель Хәернасих улы Бакиров – Казан (Идел буе) федераль университетының филология һәм мәдәният институты профессоры, филология фәннәре докторы, ТР шәрәфле мәдәният хезмәткәре, Россия гуманитар академиясе академигы, халыкара Кол Гали исемендәге премия лауреаты, РФ язучылар берлеге әгъзасы, Г. Ибраһимов исемендәге тел һәм әдәбият институтының кандидатлык , докторлык диссертациясен яклау комиссиясе әгъзасы, Татарстан Фәннәр Академиясе фольклор эзләнүләр берлегенең әгъзасы, "Мирас” журналының мөдир урынбасары , татар фольклор Дәүләт үзәгенең консультанты.