Бөтендөнья СПИДка каршы көрәш көненә багышланган күргәзмә

28 нче ноябрьдән 8 нче декабрьгә кадәр мәгълүмат-библиография бүлеге Бөтендөнья СПИДка каршы көрәш көненә багышланган тематик күргәзмә тәкъдим итә. Күргәзмәдә СПИД авыруын булдырмау һәм аннан саклану чараларын, сәламәт яшәү рәвешен яктырткан белешмә басмалар, сценарийлар куелган.
Ел саен 1 нче декабрь көнне билгеләп үтелә торган Бөтендөнья СПИД ка каршы көрәш көне планета төбәкләре буенча таралуын дәвам итүче ВИЧ-инфекциягә каршы көрәшне ныгытуга хезмәт итә.
Беренче тапкыр Бөтендөнья СПИД ка каршы көрәш көне (World AIDS Day), Бөтендөнья сәламәтлек саклау оешмасы тарафыннан игълан ителгәч, 1988 нче елдан билгеләп үтелә.