Милли китапханә фондларында Муса Җәлилнең исән чактагы басмаларын электрон вариантта карап була

2026 елның 12 феврале, пәнҗешәмбе

Коллекция Советлар Союзы Герое Муса Җәлилнең (1906-1944) тууына 120 ел тулуга багышлана.

Татарстан Республикасы Милли электрон китапханәсе порталында (ТР МЭК) күренекле татар шагыйре, Советлар Союзы Герое Муса Җәлилнең исән чагында аерым басма булып нәшер ителгән китапларының электрон коллекциясе барлыкка килде.

Коллекция өчен сканерланган басмалар Татарстан Республикасы Милли китапханәсенең татар әдәбияты һәм туган якны өйрәнү бүлеге фондларында, шулай ук кулъязмалар һәм сирәк китаплар бүлеге фондларында саклана.

ТР МЭК порталында электрон вариантта рус һәм татар телләрендә барлыгы 12 җыентык тәкъдим ителә. Цифрлаштырылган басмалар исемлегендә-Муса Җәлил әсәрләренең түбәндәге җыентыклары:

• Иптәшкә (Теләктәшкә): шигырьләр төргәге
• Avьlda pijanir eşlәre
• Şigerlәr һәm poemalar
• Письмо из окопа: [перевод с татарского]
• Барабыз: революция көрәшчеләре өчен ясалган кичәләргә материаллар
• Хат ташучы: Поэма
• Ordenlь milionnar: şigerlәr çiьntьgь
• Тупчы анты: Шигырьләр җыентыгы
• Ильдар (Лачыннар): Опера өчен либретто 4 пәрдә, 6 картинада
• Стихи
• Алтынчәч: опера өчен либретто