Март аенда китап күргәзмәләре

2026 елның 2 марты, дүшәмбе

ТР Милли китапханәсенең классик уку залында 1 марттан «Кырымнан илһамланганнар: рус язучылары иҗатында Кырым образы» экспозициясе эшли башлады.

Күргәзмә Кырым ярымутравының искиткеч табигатенә, аның бай тарихына һәм күпмилләтле мәдәниятенә багышланган, алар һәрвакыт танылган язучыларны һәм шагыйрьләрне илһамландырган. Үзләренең тәэсирләренә яңа мәгънәләр биреп, һәркайсы атаклы ярымутрауның үз образын тудырган, аны әле хәрби дан һәм батырлык урынына, әле иҗади көчнең шифалы почмагына, әле романтик матур төбәккә әверелдергән.

Яшүсмерләр залында март башыннан "Пушкин һәм ул гына да түгел. Барлык чорлар өчен китаплар" күргәзмәсе эшли. Сезне рус һәм чит ил классикасы буенча сәяхәткә чыгарга чакырабыз. Монда Пушкин, Гоголь, Тургенев, Диккенс һәм башка бөек авторларның иң яхшы басмаларын табарсыз. Матур әдәбиятның тылсымлы дөньясына чумыгыз һәм үзегез өчен үлемсез шаһәсәрләр ачыгыз.

Балалар залында "Мин эзләргә чыгам! Яшь детективлар мәктәбе" дигән китап күргәзмәсе ачылды Безнең яшь укучыларыбыз буталчык башваткычларны чишеп, дәлилләрне китаплардан эзләп, үзләрен чын эзтабарлар итеп хис итә алачаклар!