Россия Федерациясе Конституциясен кабул итүгә 20 ел

Конституция – дәүләтнең төп законы – Россиянең барлык хокук системасының нигезе булып тора. Татарстан Республикасы Милли китапханәсенең мәгълүмат-библиография бүлеге 10 нчы декабрьдән 17 нче декабрьгә кадәр Россия Конституциясе көненә багышланган күргәзмә тәкъдим итә. Анда Россия Федерациясе Конституциясе турындагы мәгълүмати-белешмә басмалар: сүзлекләр, белешмәлекләр, энциклопедияләр куелды. Шулай ук бу темага багышланган чаралар уздыруда ярдәмлек булырлык методик материаллар да урын алды.
2013 нче елның 14 нче февралендә Россия Федерациясе Президенты «Россия Конституциясен кабул итүнең 20-еллыгын бәйрәм итү» турындагы боерыкка кул куйды. Россия Федерациясенең гамәлдәге Конституциясе – Россия дәүләте тарихында бишенчесе. илебезнең бөтен хокукый системасы, кеше һәм гражданинның төп хокуклары, ирекләре, аларның гарантияләре җыентыгы.