Дагыстандагы мәдәният учреждениеләренә ярдәм акциясе
Россия Мәдәният министрлыгы Россия Кызыл Хач җәмгыяте белән берлектә Бөтенроссия хәйрия акциясе башлап җибәрде. Аның максаты — Дагыстан Республикасының Хасавюрт, Кули һәм Магарамкент районнарында зыян күргән 20 мәдәният йортын төзекләндерү һәм торгызу өчен акча җыю, шулай ук су басу нәтиҗәсендә зыян күргән мәдәният хезмәткәрләренә ярдәм итү.
Дагыстандагы хәл әле дә катлаулы булып кала: су басудан торак йортлар гына түгел, мәдәният учреждениеләре һәм тармак хезмәткәрләре дә зыян күрде. Йөзләгән гаилә мөлкәтен, хуҗалыгын һәм гадәти тормыш рәвешен югалтты.
Россия Кызыл Хачы Геджух сусаклагычындагы дамба ерылудан соң хәл кискенләшкәч, Дербент районы Мамедкала бистәсе янында күчмә ярдәм пунктлары ачты. Хезмәткәрләр һәм волонтерлар гадәттән тыш хезмәтләр белән бергә тәүлек буе эшли: кешеләрне эвакуацияли, вакытлыча урнаштыру пунктларына барып җитәргә ярдәм итә һәм зыян күрүчеләргә булышлык күрсәтә.
Сезне дә әлеге акциягә кушылырга һәм мәдәният хезмәткәрләренә һәм аларның гаиләләренә ярдәм итәргә чакырабыз: https://clck.su/pefxK #КультураДагестану