Балалар һәм олылар өчен китап басу буенча мастер-класс

2026 елның 14 мае, пәнҗешәмбе

27 май — Гомумроссия китапханәләр көне уңаеннан казанлыларны һәм шәһәр кунакларын вакыт буйлап мавыктыргыч сәяхәткә чакырабыз. Урта гасырларга кайтып, үз кулларыбыз белән чын ядкарь ясаячакбыз.

TaрихLAB остаханәсеннән мастер-класс — антик чордан Яңарыш дәверенә кадәр кыска юл. Катнашучылар гади ачык хат кына ясамаячак, ә кулъязма хат булдыруның барлык этапларын узачак һәм язу тарихына кагылачак.

Сезне нәрсә көтә?

• Тәҗрибәле остаз җитәкчелегендә мастер-класста катнашучылар үзләрен урта гасырлардагы күчереп язучылар итеп хис итәчәк, борынгы Греция һәм Римда кулланылган стилус ярдәмендә балавызга язу техникасын өйрәнәчәк.
• XV гасырда тарих барышын үзгәрткән уйлап табу белән дә танышачакбыз: Гутенбергның басма станогы ничек эшләгәнен белербез һәм үзебезнең ачык хатыбызны әзерләрбез.
• Каз каурые белән рәсем төшерү серләрен үзләштереп, нәфис бизәү алымнарын да өйрәнербез.
• Хатыгыз чын урта гасыр язмасы кебек күренсен өчен, аны сургычлы мөһер белән ябыштырылган конвертка салырбыз.

Кулдан ясалган ачык хат матур бүләк яки истәлекле сувенир булачак.

Мастер-классны алып баручы — TaрихLAB остаханәсе җитәкчесе Ленар Кәримуллин.

Үз кулларыгыз белән тарих тудыру мөмкинлеген кулдан ычкындырмагыз! Урыннар саны чикле. БИЛЕТЛАРНЫ Пушкин картасы буенча сатып алырга мөмкин.

Мастер-класс вакыты:

• 14:00–15:00 
• 16:00–17:00