Яңа ел килә, Яңа ел!

Яңа ел бәйрәме – иң күңелле, иң көтеп ала торган бәйрәм.

2013 нче елның 20 нче декабре көнне Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәренең 78 нче мәктәбендә 4 нче сыйныф укучылары белән очрашты. Очрашу бик кызыклы узды. Китапханәчеләр Яңа ел бәйрәменең тарихы, тылсымлы Кыш бабай турында мавыктыргыч итеп сөйләделәр. Укучылар, Яңа ел табышмакларына җавап табып, бүләкләр дә алдылар.