Инженер-патент белгече һөнәре

2014 нче елның 20 нче гыйнварыннан башлап Татарстан Республикасы Милли китапханәсенең патентлар бүлегендә (Казан, К.Маркс ур., 36) «Инженер-патент белгече һөнәре» дип исемләнгән күргәзмә эшли.

Фәнни-техник, интеллектуаль куәт – җәмгыять үсешенең бер шарты. Хәзерге заманда кызыклы, яңа һәм гадәти булмаган һөнәрләр шактый күп, шуларның берсе – патент белгече һөнәре. Патент белгече уйлап табуны рәсмиләштерү өчен патент оешмасына язма мөрәҗәгать әзерли, авторлыкка хокукны раслый, Россия җирлегендәге уйлап табуларны чит илләрдә патентлаштыра, шулай ук әлеге уйлап табуларга лицензияләрне сату-алу эшен оештыра. Шул рәвешчә патент иясе үзенең уйлап табуына, файдалы моделенә яки сәнәгый үрнәгенә тулы хокук ала.

Күргәзмәдә патент белгечләренең һәм патент ышанычлыларының эшчәнлегенә ярдәм итә торган төрле басмалар куелган. Әлеге китапларның авторлары патентлаштыру өлкәсендәге үз тәҗрибәләре белән дә уртаклаша. Интеллектуаль милек мәсьәләләрен яктырткан яңа журналлар белән танышу шулай ук кызыклы булыр.

Күргәзмә, нигездә, белгечләргә тәгаенләнсә дә, китапханә хезмәтләреннән файдаланучыларның бик күбесен битараф калдырмас.