Ноу-хауларның хокукый статусы

2014 нче елның 3 нче февраленнән Татарстан Республикасы Милли китапханәсенең патентлар бүлегендә (Казан шәһ., К.Маркс ур., 36 нчы йорт) «Ноу-хауларның хокукый статусы» дип исемләнгән күргәзмә эшли.

Эшкуарлык эшчәнлегенең нәтиҗәлелеге фән һәм техниканың яңа казанышларын куллануга турыдан-туры бәйле, шуңа да фәнни-техник үсешнең заманча шартларында халык хуҗалыгында ноу-хаулар зур әһәмияткә ия була бара.
Нәрсә соң ул ноу-хау? Аны саклау һәм куллану принциплары нинди? Бу һәм башка сорауларга җавапны күргәзмә материалларында табарга мөмкин. Ноу-хау (җитештерү сере) интеллектуаль эшчәнлекнең иң тикшерелүчән һәм үзгәрүчән нәтиҗәләре рәтенә керә. Шулай ук күргәзмәдә лицензияләр һәм ноу-хау белән сату итүдә сөйләшүләр алып бару стратегиясен һәм тактикасын чагылдырган әдәбият тәкъдим ителә.

Күргәзмә эшкуарлар һәм бизнесменнар, уйлап табучылар, укытучылар һәм студентлар өчен кызыклы булачак.