Тормыш сукмагыннан бергәләп... “Вечерняя Казань” газетасының юбилее уңаеннан

2009 елның 18 февралендә ТР Милли китапханәсенең вакытлы матбугат бүлегендә “Вечерняя Казань” басмасының 30 еллык юбилее уңаеннан газета иҗат төркеме белән укучылар очрашуы уздырыла.

Әлеге чара уңаеннан “Вечерняя Казань. Бөтен дөнья бер газетада” күргәзмәсе оештырыла. Беренче өлешендә газетаның барлыкка килү тарихы, беренче журналистлары турында мәгълүмат тәкъдим итү күздә тотыла. Икенче өлешеннән исә, укучылар тарафыннан яратып кабул ителгән басманың формалашу тарихы белән таныша алалар.
Иң элек “Вечерняя Казань” иҗтимагый-сәяси газетасы партия фикерләрен җиткерүче буларак уйланыла һәм бары тик 20 елдан соң “свежая, колючая и честная” слоганы барлыкка килә. Басманың беренче саны 1979 елның 1 гыйнварында дөнья күрә. Аның беренче редакторы – үз эшенең белгече Андрей Петрович Гаврилов. 1991 елдан газета иҗат төркемен Хазбулат Хазбулат улы Шәмсетдинов җитәкли.

1999 елда “Вечерка” Мәскәүдә үзенең тиражын сертификацияләгән Татарстанда беренче һәм бердәнбер газета. 2005 елда әлеге вакытлы матбугат дүртенче тапкыр рәттән “Тираж – ел рекорды” милли премиясе белән бүләкләнде. Бүгенге көндә газетаның басма тиражы 32411 данә тәшкил итә.
“Вечерняя Казань” заман таләпләренә җавап бирә торган газеталарның берсе. Аның битләрендә шәһәребез тормышы бөтен чынлыгында ачыла. Бу яктан газета үз карашларына тугры кала.
ТР Милли китапханәсенең вакытлы матбугат бүлегенә рәхим итегез!