Совет гаскәрләренең Әфганстаннан чыгарылуының 25 еллыгына

Ватанны саклаучылар көненә һәм Совет гаскәрләренең Әфганстаннан чыгарылуының 25 еллыгына багышлап Татарстан Республикасы Милли китапханәсенең мәгълүмат-библиография бүлеге 15 нче февральдән 28 нче февральгә кадәр «Солдат сугышны сайламый» («Солдат войны не выбирает») дип аталган тематик күргәзмә тәкъдим итә. Биредә әлеге тарихи вакыйганы яктырткан мәгълүмати-белешмә басмалар – энциклопедияләр, сүзлекләр, белешмәлекләр урын алды. Күргәзмәдә Ватанны саклаучылар көненә, патриотик тәрбиягә багышланган сценарийлар белән дә танышып була.