“Вечерняя Казань” газетасы иҗат төркеменең укучылар белән очрашуы

18 февраль көнне ТР Милли китапханәсенең уку залында (К.Маркс ур, 36) “Вечерняя Казань” газетасы оешуга 30 ел тулу уңаеннан очрашу уздырылды.

Газетаның барлыкка килү тарихы, журналистның авыр һәм куркыныч хезмәте, репортаж әзерләү вакытында объективлыкны саклау, үз хезмәтеңне яратып башкару турында сөйләгән мөхәррир урынбасары Т.Н.Шәмсетдинованың чыгышы беркемне дә битараф калдырмады. “Вечерняя Казань” – ул 30 меңнән артык тираж һәм үз укучылары аудиториясен булдырган газета.

Очрашуда КДУның журналистика шәкертләре катнашты. Алар очрашу дәвамында газета, мәкалә өчен тема сайлау, журналистның тормыш позициясе турында үз сорауларын бирделәр.

ТР Милли китапханәсенең матбугат бүлеге тарафыннан әзерләнгән “Бөтен дөнья бер газетада” күргәзмәсе укучыларда зур кызыксыну уятты.