Мәдәният хезмәткәрләре өчен Ачык ишекләр көне

25нче мартта Мәдәният хезмәткәрләре көнендә Татарстан Республикасы Милли китапханәсендә мәдәният хезмәткәрләре өчен ачык ишекләр көне уздырылды. Ачык ишекләр көнендә мәдәният һәм сәнгатькә караган мәгълүмати-белешмә чыганаклар күргәзмәсен карап чыгу оештырылды, Россиянең Һәйкәлләр җыелмасына кергән архитектура һәйкәле – Татарстан Республикасы Милли китапханәсе бинасы буенча экскурсия үткәрелде.
«Сәнгать һәм мәдәният оешмалары менеджменты» курсы тыңлаучылары өчен «Татарстан Республикасы Милли китапханәсенең мәдәният һәм сәнгатькә караган ресурслары белгечләргә» һәм «Татарстан Республикасының мәдәният һәм сәнгатькә багышланган интернет-ресурслары» дип аталган мәгълүмат көннәре уздырылды.
Белгечләрдә Татарстан Республикасы Милли китапханәсе фондындагы мультимедиа басмалар һәм Татарстан Республикасы Милли китапханәсе сайтында электрон басмаларга ерактан керә алу мөмкинлеге аеруча зур кызыксыну уятты.