«Рус теле – шигърият теле»

Татарстан Республикасы Милли китапханәсенең кулъязмалар һәм сирәк китаплар бүлеге тарафыннан «Рус теле – шигърият теле» дигән темага күргәзмә оештырылды. Күргәзмә Рус теле көненә багышлана.
Биредә рус шигърияте телен өйрәнүчеләрнең хезмәтләре урын алган. Укучылар игътибарына XIX гасыр – XX йөз башында танылган рус шагыйрьләренең (А.Пушкин, М.Лермонтов, Ф.Тютчев, Н.Некрасов, О.Мандельштам, А.Блок, С.Есенин, А.Ахматова, М.Цветаева) шигъри әсәрләре тәкъдим ителә.
Күргәзмә Татарстан Республикасы Милли китапханәсенең төп бинасындагы Зур уку залында (Казан, Кремль ур., 33 нче йорт) 2014 нче елның 1 нче июленә кадәр эшләячәк.
Рәхим итегез!