«Ялкын» журналы иҗат төркеменең укучылар белән очрашуы

12 нче март көнне Казан шәһәренең 10 нчы гимназиясендә (Копылов ур.,11), «Ялкын» журналы оешуга 85 ел тулу уңаеннан, укучы балаларның редакция хезмәткәрләре белән очрашуы булды. Аны Татарстан Милли китапханәсенең вакытлы матбугат бүлеге оештырды.

«Ялкын» журналы гомер-гомергә яшь буында үз халкына, теленә, милли гореф-гадәтләренә мәхәббәт, туган җирен ярату хисләре тәрбияләп килә.

Журналның җаваплы сәркятибе Фәйрүзә Әсхәт кызы Мөслимова яшүсмерләрнең кумирлары – күренекле спортчылар, «сәхнә йолдызлары» – турында мавыктыргыч итеп сөйләде.

Китапханә фонды басмаларыннан әзерләнгән «Ялкын» – дуслык учагы» исемле күргәзмә дә укучыларда зур кызыксыну уятты.