Балалар китапханәдә

Ямьле җәй дә килеп җитте. Балаларның көтеп алган каникуллары башланды. Кемдер комлыкларга кызынырга, елга-күл буйларына балык тотарга ашыга. Ә менә Казан шәһәрендәге 116 нчы лицейның 1-6 сыйныф укучылары Татарстан Республикасы Милли китапханәсе белән танышырга булдылар.

2014 нче елның 4 нче июне көнне вакытлы матбугат бүлеге хезмәткәрләре яшь укучыларны газета-журналлар белән таныштырдылар, төрле мастер-класслар уздырдылар. Балалар китапханә оештырган викторинада катнашып бүләкләр дә алдылар. Шулай ук, чит телләрдәге әдәбият бүлеге, патентлар бүлеге, кулъязмалар һәм сирәк китаплар бүлекләре белән дә таныштылар.