«Китапфест – 2014»

6 июньдә Татарстан Республикасы Милли китапханәсе хезмәткәрләре Россиядә һәм Татарстанда игълан ителгән Мәдәният елы кысаларында оештырылган чараларның берсе – «Китапфест – 2014» фестивалендә катнаштылар.
«Китапфест» фестиваленең тантаналы ачылышы Лядской бакчасында булды, анда 9 аллея эшләде.
Китапханәләр аллеясында «Мин укырга яратам» дип исемләнгән флэш-моб, рольләргә бүлеп уку һәм буккроссинг (китап белән ирекле алмашу) узды.
Язучылар аллеясында Татарстан һәм Россия язучылары белән очрашу оештырылды. Биредә фестивальнең мөхтәрәм кунаклары – Мәскәү язучылары катнашында үзенчәлекле әдәби студия эшләде.
Шигъри авангард аллеясында Велимир Хлебников иҗаты төп тема булып торды.
Наширләр аллеясында китап күргәзмәсе һәм китап сату оештырылды.
Рәссамнар аллеясында Казан рәссамнары Михаил Пивоваров һәм Ольга Сушкова, Н. И. Фешин исемендәге Казан сәнгать училищесы студентлары һәм Казан сәнгать мәктәпләре укучылары эшләре куелды.
Уен аллеясында балалар иҗат остаханәсе эшләде, балалар рәсеме бәйгеләре, мастер-класслар уздырылды.