М.В.Сеславинский – Татарстан Республикасы Милли китапханәсе кунагы

Казанда бу көннәрдә (19–21 июнь) Төбәк һәм милли массакүләм мәгълүмат чараларының Бөтенроссия форумы уза, аның эшендә Россия Федерациясенең 50ләп төбәгеннән вәкилләр катнаша. Форумга махсус чакырылган зур түрә – матбугат һәм массакүләм коммуникацияләр федераль агентлыгы җитәкчесе Михаил Сеславинский – 2014 нче елның 19 июнендә Татарстан Республикасы Милли китапханәсенә килде.
Китапханәнең федераль дәрәҗәдәге архитектура һәйкәле булган төп бинасы буйлап хөрмәтле кунак өчен экскурсия уздырылды. Михаил Вадимович кулъязмалар һәм сирәк китаплар бүлеге тәкъдим иткән күргәзмәне аеруча җентекләп карады, раритет басмалар белән кызыксынды. Очрашу азагында ул биредә эшләүче хезмәткәрләрне Татарстан Республикасы Милли китапханәсенең киләчәк 150 еллык юбилее белән котлады һәм аларга иҗади уңышлар теләде.