Китапханәләр көненә карата күргәзмә-панорама

Татарстан Милли китапханәсенең күргәзмәләр залында (Кремль ур., 33 йорт) китапханәчеләр өчен “Хәзерге китапханә: үсеш юнәлешләре” исемле һөнәри әдәбият күргәзмә-панорамасы ачылды.

Күргәзмә һәр елның 27 маенда билгеләп үтелә торган Китапханәләр көненә багышланган. Анда “Гранд-Фаир” ширкәте китапханәгә бүләк иткән 100 дән артык китап күрсәтелә, болар – китапханә эшенә караган яңа басмалар.

Барлык китапханәләр хезмәткәрләрен, Мәдәният һәм сәнгать университеты укытучыларын һәм студентларын, китапханәдән файдаланучыларны күргәзмә белән танышырга чакырабыз.

Күргәзмә 2009 елның 30 маена кадәр эшләячәк.