Беренче бөтендөнья сугышы вакытлы матбугат битләрендә

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) фондларында Беренче бөтендөнья сугышы елларында басылып чыккан «Нива», «Искры», «Летопись войны», «Киевская мысль», «Казанская газета», «Земская неделя» кебек төрле газета һәм журналлар саклана. Вакытлы матбугат битләрендә Россия солдатларының сугыш кырларындагы батырлыгын, шул чорда завод-фабрикаларның, авыл хуҗалыгының эшчәнлеген чагылдырган мәкаләләр, фотографияләр, рәсемнәр һ.б. урын алган.

Беренче бөтендөнья сугышы башлануга 100 ел тулу уңае белән бүлектә 1 нче сентябрьдән 30 нчы сентябрьгә кадәр «Казан губернасында яшәгән халыклар Беренче бөтендөнья сугышында» исемле күргәзмә торачак.

Күргәзмәдә элеккеге Казан губернасында басылган, Беренче бөтендөнья сугышы чорындагы вакыйгаларны чагылдырган газета-журналлар һ.б. урын алачак.