Мәдәният хезмәткәрләре көне

Мәдәният хезмәткәрләренең һөнәри бәйрәменә багышлап Татарстан Республикасы Милли китапханәсенең мәгълүмат-библиография бүлегендә (Казан, Кремль ур., 33 нче йорт) бүлек фондындагы вакытлы басмалардан, сценарийлардан торган күргәзмә оештырылды.

2007 нче елда Россия Президенты Владимир Путин «Мәдәният хезмәткәрләре көне турында»гы 1111 номерлы Указга кул куйды, шуның нигезендә бу һөнәри бәйрәм ел саен 25 нче мартта билгеләп үтелә.

Бу бәйрәмне мәдәниятне һәм сәнгатьне булдыручылар һәм саклаучылар – китапханәләр һәм музейлар хезмәткәрләре, театрлар һәм мәдәният йортлары эшлеклеләре, үзешчән сәнгать коллективлары билгеләп үтә. Күргәзмә белән 16-26 март көннәрендә танышырга мөмкин.