Мәгълүмат ресурслары мәдәният хезмәткәрләренә ярдәмгә

2015 нче елның 26 нчы мартында ТР Милли китапханәсенең мәгълүмат-библиография бүлегендә (Кремль ур., 33 нче йорт) КДМСУның социомәдәни эшчәнлек факультетында читтән торып укучы 4 нче курс студентлары өчен «Мәгълүмат ресурслары мәдәният хезмәткәрләренә ярдәмгә» дип исемләнгән Мәгълүмат көне узды.

Мәдәният өлкәсе белгечләре китапханәнең каталогларыннан һәм белешмә-библиографик фондыннан мәгълүмат чыганаклары эзләү хакында киңәшләр тыңладылар.

ТР Милли китапханәсе сайтының электрон ресурсларына һәм мәдәни эшчәнлеккә кагылышлы мәгълүматлар туплаган башка сайтларга презентация аеруча зур кызыксыну уятты. Шулай ук студентлар мәгълүмат чыганакларыннан һәм сценарийлардан торган тематик күргәзмә белән таныштылар.