Интеллектуаль милек һәм бизнес

Милли китапханәнең патентлар бүлегендә (К. Маркс урамы 36 нчы йорт) 2011нче елның сентябрендә «Интеллектуаль милек һәм бизнес» исеме астында күргәзмә эшли.

Интеллектуаль милек югары технологияле заманча предприятияләрнең нигезен тәшкил итә. Күргәзмәгә куелган китапларның авторлары интеллектуаль милек белән идарә итүне оештыру тәҗрибәсе белән уртаклашалар, ныклы, күп керемле, алга баручы бизнес үрнәген булдыру турындагы сорауларга җавап бирәләр. Өстәмә инвестицияләр җәлеп итү, предприятияләрнең интеллектуаль активларын куллану һәм нәтиҗәле идарә итү юлы белән акцияләрнең бәясен күтәрү буенча киңәшләр бирәләр.

Белешмәләрдә интеллектуаль промышленность милкен рәсмиләштерүнең, кемгә дә булса тапшыруның, куллануның хокукый нигезләре яктыртыла. Базар икътисады шартларында интеллектуаль милекне бәяләүгә ярдәм итә торган материал бирелә, инновацион сәясәтне тормышка ашыру механизмы карала. Интеллектуаль милек өлкәсендә кулланылучы төрле шартнәмә, килешү мисаллары тупланган җыентыклар да күргәзмәдә урын алган.

Әлеге китаплар техник һәм икътисади уку йортлары студентлары һәм мөгаллимнәре, менеджерлар, инновацион эшчәнлек белән шөгылләнүче экспертлар һәм консультантлар өчен тәгаенләнгән.

Күргәзмә фәнни тикшеренүләрнең һәм эшләнмәләрнең нәтиҗәләрен коммерцияләштерү, венчур бизнесы, компанияләрнең стратегик үсеше, инновацияләр белән идарә итү мәсьәләләре белән кызыксынучы барлык белгечләр өчен дә файдалы булачак.