Аның җыры йөрәктән...

ТР Милли китапханәсенең сәнгать бүлеге легендар совет эстрада җырчысы һәм кино артисты Марк Наумович Бернесның 2011 нче елның 21 нче сентябрендә узган 100 еллык юбилеена багышланган күргәзмә тәкъдим итә.

Марк Бернес турында: «Ул тавыш белән түгел, йөрәк белән җырлады» – дип әйтәләр. Дөрестән дә, ул җырлаган җырлар хәзер дә күңел түренә үтеп, тормыш турында уйланырга мәҗбүр итә. Узган гасырның 50-60 нчы елларда аның «Журавли», «Тёмная ночь», «Шаланды полные кефали», «Любимый город» һ. б. Җырлары киң танылды. Ул чорларда Марк Бернеска популярлык җәһәтеннән тиңнәр юк иде.

Марк Бернес кинематография үрләренә «Тучи над городом встали» дигән җыры белән күтәрелде. Ул уйнаган 35 фильм арасында «Большая жизнь», «Истребители» һ.б. бар, әмма «Два бойца» фильмындагы Аркадий Дзюбин роленнән соң Бернес актёр буларак зур биеклеккә ирешә.

Кызыксынучылар, күргәзмәдә тәкъдим ителгән материаллар ярдәмендә, танылган җырчы һәм актерның тормыш юлын күзәтеп, узган гасырга тарихи- сәнгати сәяхәт ясый алалар.

Театр урамының 5 нче йортына рәхим итегез!