Аркадий Райкинның тууына 100 ел

2011 нче елның 19 нчы октябреннән Татарстан Республикасы Милли китапханәсенең сәнгать бүлеге танылган актер А.И.Райкинның (1911-1987) тууына 100 ел тулуга багышланган күргәзмә тәкъдим итә. 2011 нче елның 24 нче октябре - әлеге истәлекле датаның төгәл көне.
Артистлык осталыгы, үткен комедиячелек, күңел ачыклыгы, ышандырып сөйләү, тамашачы белән уртак тел таба алу сәләте – болар барысы да СССРның халык артисты, Социалистик Хезмәт Герое, Ленин премиясе лауреаты Аркадий Исаакович Райкинга хас булган сыйфатлар.
Ярты гасыр эчендә ул меңнән артык гаҗәеп кызыклы, төгәл, берничә буын тамашачысы белгән һәм яратып караган мини рольләр башкара. Аның күпсанлы «скульптур» эшләре арасында исерек-лектор, гамьсез «әти», «Тәмәке тарту», «Микъдар һәм сыйфат», «Дефицит» кебек монологларның геройлары һ.б. онытылмас персонажлар бар.
Күргәзмәгә куелган китаплар Һәм энциклопедик басмалар искиткеч талантлы артист һәм режиссер Аркадий Райкинның иҗатын хөрмәтләүчеләр өчен кызыклы булачак.
Сәнгать бүлегенә (Театр ур., 5 нче йорт) рәхим итегез! Сезнең белән очрашуга без шат булачакбыз!