Сәнгать бүлеге тәкъдим итә...

2011 нче елның 25 нче ноябрендә Татарстан Республикасы Милли китапханәсенең төп бинасындагы уку залында зур уңыш белән «П.Т.Сперанский. Л.Л.Сперанская–Штейн. От эскиза к спектаклю» (Казань, 2010) китабының презентациясе узды.
Альбом татар театр декорациясе сәнгатенә нигез салучыларның берсе Петр Тихонович Сперанскийның тууына 120 ел тулуга һәм театр рәссамы, костюм эскизларын ясаучы Любовь Львовна Сперанская-Штейнның тууына 95 ел тулуга багышлана һәм ике сәнгать остасының иҗади мирасын тәкъдим итә.
Презентациядә альбомны төзүче-автор Л.Н.Донина, баш консультант һәм әдәби редактор Р.И.Такташ катнаштылар. Альбомны Татарстан Республикасының сынлы сәнгать музееның фән буенча директор урынбасары О.Л.Улемнова тәкъдим итте.
П.Т.Сперанский һәм Л.Л.Сперанская-Штейн турындагы истәлекләр белән РФнең атказанган, ТРның халык рәссамы В.А.Попов чыгыш ясады.