“Татар халкының каһарманнары” китабын тәкъдир итү

2011 нче елның 29 нчы ноябрендә Татарстан Республикасы Милли китапханәсенең (Кремль ур, 33 нче йорт) Зур уку залында Хәрби-тарих фәннәре Академиясенең әгъза корреспонденты, Татарстанның атказанган икътисадчысы, икътисад фәннәре кандидаты Ибраһим Фатыйх улы Исмәгыйлевнең «Татар халкы каһарманнары» китабын тәкъдир итү кичәсе булды.
Тәкъдир итү истәлекле көннәргә туры килде. Нәкъ 70 ел элек шушы вакытта совет гаскәрләре Мәскәү янында контратакага күчәләр, шуның нәтиҗәсендә 1941 нче елның 5 нче декабрендә фашистларга һөҗүм ясалып, алар тирәсеннән алып ташланалар. Менә шул көннәрдә совет гаскәрләренең фашист яулап алучыларын җиңүенә шик калмый инде.
Кичәнең кунаклары арасында ТР Хәрби комиссариатының гражданнар белән эшләү бүлеге җитәкчесе Логачев Владимир Петрович, запастагы полковник, хәрби-транспорт авиациясе очучысы Хәсәншин Атлас Нургата улы, запастагы подполковник, Әфган сугышы ветераны Тимур Яхиевич Ибраһимов булды. Кунаклар «Татар халкы каһарманнары» китабының яшьләрне хәрби-патриотик рухта тәрбияләүдә әһәмиятен ассызыкладылар.
Әлеге очрашуга Казан шәһәренең иҗат коллективлары һәм танылган җырчылар онытылмаслык җылылык өстәделәр. Болар – Әскәр Гомәров җитәкчелегендәге Казан (Идел буе) федераль университетының скрипкачылар төркеме, Рөстәм Маликов һәм Гүзәл Маликова җитәкчелегендәге «Дуслык» ансамбле, Россиянең һәм Татарстанның халык артисткасы Зилә Сөнгатуллина.