Җәмгыятьнең акыл куәте

2011 нче елның 20 нче декабреннән Татарстан Республикасы Милли китапханәсенең патентлар бүлегендә (Карл Маркс ур., 36 нчы йорт) «Җәмгыятьнең акыл куәте» дип аталган күргәзмә эшли.
Яңа белемнәр туплауга, куллануга һәм үстерүгә сәләте җәмгыятьнең акыл куәте булып санала. Җәмгыятьнең байлыгы да турыдан-туры аның акыл куәтенә бәйле. Хәзерге үсеш этапларында фәнни һәм техник иҗатның казанышлары актив кулланылучы җитештерү-икътисад эшчәнлеген оештыруның яңа ысуллары таләп ителә. Мәгълүматлаштыруның һәм югары технологияләрнең үсеше өчен катлаулы мәсьәләләрне яңача, стандарт булмаган рәвештә чишү юлларын таба белүче яшь белгечләр кирәк. Бары көчле акыл куәте булганда гына, фән, икътисад һәм җитештерү өлкәсендә алга китү мөмкинлеге булачак. Инновацион чишелешләр генә дөньяны үзгәртә алачак, аны тагын да уңайлырак, куркынычсызрак итәчәк һәм гөрләп үсүенә китерәчәк.
Күргәзмәдә фән һәм технологияләр үсешенең өстенлекле юнәлешләре турындагы әдәбият белән танышырга мөмкин. Шулай ук административ регламентлар, ачышларга һәм файдалы үрнәкләргә бирелгән гаризаларга экспертиза уздыру өчен тәкъдимнәр җыентыклары урнаштырылган. Шулай ук интеллектуаль милек объектларын саклау һәм яклауны тәэмин итүгә, инновацияләр өлкәсендә халыкара хезмәттәшлек мәсьәләләренә караган басмалар да урын алган.
Күргәзмә 2011 нче елның декабрь азагына кадәр эшләячәк.