Татарстан Милли китапханәсе – югары сыйныф укучылары өчен

Милли китапханәнең вакытлы матбугат бүлеге (К.Маркс ур., 36 нчы йорт) Казан шәһәре мәктәпләренең югары сыйныф укучылары өчен «Китапханәгә рәхим итегез!» дип аталган күзәтүләр циклын башлап җибәрә.

Бүлек хезмәткәрләре укучыларга Татарстан Республикасы Милли китапханәсенең бай фондлары, китапханәдә оештырыла торган төрле мәдәни чаралар, шулай ук биредәге хезмәт күрсәтү төрләре турында тулы итеп сөйләрләр.

Безнең Китапханәнең мөмкинлекләре бик зур. Монда килеп бик күп файдалы һәм кызыклы мәгълүматлар алырга мөмкин.

Бүгенге мәктәп укучылары Милли китапханә ярдәмендә киләчәктә дә үзләрен кызыксындырган теләсә нинди сорауга җавап таба алырлар.

Белем дөньясына рәхим итегез!