Ел китабы – 2010

Татарстан Республикасының Милли китапханәсе Мәдәният министрлыгы, Республика матбугат һәм массакүләм коммуникацияләр агентлыгы белән берлектә үткәрелә торган «Ел китабы – 2010» конкурсына йомгак ясады.
Конкурста 153 китап катнашты, шуларның 40ы – чәчмә әсәрләр (проза), 36сы – тезмә әсәрләр (шигърият), 48е – балалар әдәбияты, 29ы – рус телендә чыккан матур әдәбият китаплары.
Татарстан нәшриятларында 2010 нчы елда дөнья күргән, 2011 нчы ел дәвамында иң күп укылган китапны билгеләүдә республикабызның 45 үзәкләштерелгән китапханәләр системасы катнашты.
2012 нче елның 12 мартында Гәрәй Рәхим җитәкчелегендәге жюри җиңүчеләрне билгеләде.

Чәчмә әсәрләр:
1 урын. Нәбирә Гыйматдинова. «Повестьлар» (3 китапта)
2 урын. Гөлчәчәк Галиева. «Газзәбану»
3 урын. Мәдинә Маликова. «Саф сөю турында кыйссалар»

Тезмә әсәрләр:
1 урын. Габдулла Тукай. «Сайланма әсәрләр»
2 урын. Хәсән Туфан. «Әсәрләр» (5 томда. 4 нче том)
3 урын. Һади Такташ. «Әсәрләр» (3 томда. 1 нче том)

Балалар әдәбияты:
1 урын. Фарсель Зыятдинов. «Читекле кәтүк»
2 урын. Рәшит Бәшәр. «Куаныч»
3 урын. Мәрзия Фәйзуллина. «Чебиләр зарядкасы»

Рус телендә чыккан матур әдәбият:
1 урын. Туфан Миннуллин. «Незаконченный монолог»
2 урын. Шарль Перро. «Красная шапочка=Кызыл калфак»
3 урын. «Казанский альманах»
3 урын. «Аргамак: альманах»

Таһир Шәмсуаровның «Моң коесы» китабы күп укылган китап дип билгеләнде.