«Бөек фикер иясе»

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт), А.И.Герценның (1812–1870) тууына 200 ел тулуга багышлап, «Бөек фикер иясе» дип исемләнгән китап күргәзмәсе ачылды. Әдипнең юбилее 6 нчы апрель көнне билгеләп үтелә.

Александр Иванович Герцен – танылган язучы һәм фәлсәфәче генә түгел, бөек гуманист, үз заманының инкыйлаби эшлеклесе, публицист, халыкчылыкка (народниклыкка) нигез салучы да. Аның күргәзмәдә тәкъдим ителгән китапларыннан «Былое и думы», «Сорока-воровка», «Кто виноват?» кебек күренекле әсәрләрен атамый мөмкин түгел. Монографияләр, әдәби тәнкыйть басмалары, Герцен замандашларының Россиядә революциягә әзерлек һәм аның әһәмияте хакында язылган брошюралары да киштәләрдә шактый зур урын биләп тора.

Күргәзмә профессиональ әдәбиятчылар, тарихчылар, шулай ук киң катлам китап укучылар өчен дә кызыклы булачак.

Экспозиция ай ахырына кадәр торачак. Рәхим итегез!