Мәктәп китапханәчеләре бездә кунакта

Татарстан Республикасы Милли китапханәсенең вакытлы матбугат бүлеге Казан шәһәренең мәктәп китапханәчеләрен яңа газета һәм журналлар белән таныштыруын дәвам итә. 2012 елның 11 апрелендә бүлектә газета-журналларга күзәтү оештырылды, әлеге очрашу «Вакытлы матбугат–2012» дип исемләнгән иде.

Бу юлы мәктәп китапханәчеләре югары сыйныф укучылары өчен нәшер ителгән басмалар белән якыннан таныштылар. Шулай ук бердәм дәүләт имтиханнарын тапшыру хакында да яңа мәгълүматлар алдылар.

«Пушкин китапханәсе» коммерцияле булмаган фонды тарафыннан гамәлгә куелган күләмле китапханә программасы кысаларында Татарстан Республикасы Милли китапханәсенең мәктәпләргә онлайн-лекцияләр тәкъдим итү мөмкинлеге бар. Килгән кунакларга бу турыда да тулы мәгълүмат бирелде.

Кызыксынучылар әлеге яңалыкның рус телендәге вариантына яки (843) 292-54-10 телефоны аша вакытлы матбугат бүлегенә мөрәҗәгать итә алалар.